4G நெட்வொர்க்கை நாடு முழுவதும் விரிவுபடுத்தும் எயார்டெல்

சர்வதேச தொலைத்தொடர்பு நிறுவனமான பாரதி எயார்டெல் லிமிடெட்டின் துணை நிறுவனமான எயார்டெல் லங்கா, அதன் புதிய 4G நெட்வொர்க்கை நாடு முழுவதும் விரிவுபடுத்தும் திட்டத்தை அண்மையில் முன்னெடுத்துள்ளது.

எனவே, 4G கவரேஜ் வலைப்பின்னலை விஸ்தரிக்கையில் தற்போது நாடு முழுவதும் அமைக்கப்பட்டுள்ள 2000 4G தொலைத்தொடர்பு கோபுரங்களுக்கு மேலதிகமாக புதிய 400 4G தொலைத்தொடர்பு கோபுரளுக்கு அதிகமாகஅமைக்கப்பட்டுள்ளது.

இந்த புதிய 4G கோபுரங்களை நிறுவுவதன் மூலம், எயார்டெல் லங்கா தனது 4G கவரேஜை நாடளாவிய ரீதியில் அதிக மக்கள் தொகை மற்றும் கிராமப் புறங்களை உள்ளடக்கியதாக விரிவுபடுத்த திட்டமிட்டுள்ளது.

எயார்டெல்லின் மேம்படுத்தப்பட்ட 4G நெட்வொர்க், அதிக கவர்ச்சிகரமான மேம்படுத்தப்பட்ட உள்ளக கவரேஜ் மற்றும் வலுவான சமிஞ்சை அமைப்புடன் வாடிக்கையாளருக்கு சிறந்த ஸ்மார்ட் கையடக்க தொலைபேசி அனுபவத்தை வழங்குவதற்கான சிறந்த கவரேஜ் மற்றும் திறனை வழங்குகிறது.

கட்டுமானத்திற்காகத் திட்டமிடப்பட்ட புதிய 4G கோபுரங்களில் மூன்றில் ஒரு பங்கு ஏற்கனவே முடிவடைந்துவிட்டது, மேலும் தற்போது நிர்மாணிக்கப்பட்டு வரும் இறுதி 4G கோபுரங்கள் ஒரு மில்லியனுக்கும் அதிகமான மக்களை உள்ளடக்கும் என்று மதிப்பிடப்பட்டுள்ளது.

நிறுவனம் அதன் வலைப்பின்னல் விரிவாக்கத்தை விரைவுபடுத்துவதற்கான முக்கிய காரணங்களில் ஒன்று, தொற்றுநோயுடன் புதிய பொதுமைப்படுத்தலின் கீழ் அதன் பயன்பாடு இரட்டிப்பாகும்.

"எங்கள் விரைவான விரிவாக்க நடவடிக்கையானது, நாடு முழுவதும் உள்ள எங்கள் வாடிக்கையாளர்களுக்கு நேரடியாகப் பயனளிக்கும் என்று நான் உறுதியாக நம்புகிறேன், அவர்களுக்கு உலகத் தரம் வாய்ந்த 4G திறன்கள் மூலம் புத்துணர்ச்சியூட்டும் மற்றும் மேம்பட்ட நெட்வொர்க் அனுபவத்தை அளிக்கிறது.

போதிய அல்லது கூடுதல் கவரேஜ் கிடைக்கும் வரை, நாங்கள் எங்கள் 4G விரிவாக்கத்தை தொடர்வோம், ஒவ்வொரு இடமும் அடுத்த தலைமுறை நெட்வொர்க்கிற்கு தடையின்றி இடமளிக்கும் வகையில் 5G தயார் நிலையில் இருக்கும்” என எயார்டெல் லங்காவின் பிரதம நிறைவேற்று அதிகாரியும் முகாமைத்துவப் பணிப்பாளருமான அஷீஷ் சந்திரா தெரிவித்தார்.

இந்த திட்டத்தின் மூலம், எயார்டெல் வாடிக்கையாளர்கள் முன் எப்போதும் இல்லாத வகையில் சிறந்த நெட்வொர்க் அனுபவத்தை அனுபவிக்க முடியும். எயார்டெல் சமீபத்தில் தனது 4G சேவைகளை 'Freedom Packs'களுடன் புதிய முற்கொடுப்பனவு மற்றும் பிற்கொடுப்பனவு பேக்கேஜ்களுடன் அறிமுகப்படுத்தியது.

இந்த 'Freedom Packs' 2009இல் இலங்கையில் செயற்பாடுகளை ஆரம்பித்ததன் பின்னர் இலங்கையில் Airtelஇன் மிகப்பெரிய முதலீடாகும். எயார்டெல்லின் நோக்கம் - கட்டமைக்கப்பட்ட 4G சேவையானது, 99% buffer-free வீடியோவைப் பார்ப்பது மற்றும் 4G சமிஞ்சைகள் மூலம் மேம்படுத்தப்பட்ட உள்ளக கவரேஜ் உள்ளிட்ட சிறந்த அனுபவத்தை பாவனையாளருக்கு வழங்குவதை நோக்கமாகக் கொண்டுள்ளது.

இதன் கீழ், ஒவ்வொரு பயனரும், குழந்தைகள் முதல் பெரியவர்கள் வரை, ஆன்லைன் கல்வியை அனுபவிக்கலாம், வீட்டிலிருந்து வேலை செய்யலாம் மற்றும் எந்த அழைப்பு செயலிழப்புகள், குறுக்கீடுகள் அல்லது சமிஞ்சை இடையூறுகள் இல்லாமல் இணையத்தில் ஒருவரையொருவர் இணைக்க முடியும்.

நிறுவனம் நாடளாவிய ரீதியில் அதன் கவரேஜ் வலையமைப்பை விரிவுபடுத்துவதுடன், இலங்கையின் தொலைத்தொடர்பு ஒழுங்குமுறை ஆணைக்குழு (TRCSL) அனைத்து இலங்கையர்களுக்கும் இணைய அணுகலை சமமாக வழங்குவதற்கு 'Gamata Sanniwedanaya' திட்டத்துடன் கைகோர்த்துள்ளது.

இது மோசமான வலையமைப்பு கவரேஜ் கொண்ட கிராமப்புற மாவட்டங்களில் டிஜிட்டல் இடையூறுகளைக் குறைப்பதை நோக்கமாகக் கொண்டுள்ளது - மேலும் 2022ஆம் ஆண்டளவில் நாடு முழுவதும் சுமார் 100% கவரேஜை வழங்கும் என்று நம்பப்படுகிறது.