நீதிமன்றில் கைக் குழந்தைக்கு பாலுட்ட வசதி; ஹிருனிகாவுக்கு நீதி அமைச்சர் பதில்

நீதிமன்ற அமர்வுகளில் கைக் குழந்தைகளுடன் கலந்துகொள்ளும் பெண்களின் தேவைகள் குறித்து தனது கவனத்தை செலுத்தியதற்காக முன்னாள் பாராளுமன்ற உறுப்பினர் ஹிருணிகா பிரேமச்சந்திரவை நீதி அமைச்சர் அலி சப்ரி பாராட்டியுள்ளார்.

இது தொடர்பாக தனது உத்தியோகபூர்வ பேஸ்புக் பக்கத்தில்  ஒரு செய்தியை வெளியிட்ட அமைச்சர் சப்ரி, தாய்ப்பால் கொடுக்கும் தாய்மார்கள் எதிர்கொள்ளும் சிரமத்தை ஒப்புக் கொண்டு, வாழ்க்கையின் ஒரு முக்கியமான பகுதிக்கு நீதிமன்ற அமைப்பில் எந்த ஏற்பாடுகளும் செய்யப்படவில்லை என்றார்.

நீதிக்கான அணுகலில் எந்தவிதமான பாகுபாடும் அல்லது தடையும் இல்லை என்பதை உறுதி செய்வதில் தான் உறுதியாக இருப்பதாக நீதி அமைச்சர் உறுதிமொழி அளித்தார்,

மேலும் நீதி அமைப்பின் நிர்வாகத்தில் குழந்தைகளைப் பராமரிப்பதற்கான வசதிகளை அது வழங்குவதை உறுதிசெய்ய நீதி அமைச்சு செயல்பட வேண்டும். இந்த பணிக்கு தாம் உறுதிபூண்டுள்ளதாகவும், தற்போது நடந்து கொண்டிருக்கும் நீதி அமைப்பு சீர்திருத்தங்களில் இதற்கு முன்னுரிமை வழங்கப்படும் என்றும் உறுதியளித்தார்.

2015ஆம் ஆண்டில் தெமடகொடாவில் ஒரு இளைஞரைக் கடத்திச் சென்றது தொடர்பாக ஹிருணிகா பிரேமச்சந்திரவிற்கு எதிராக  தாக்கல் செய்யப்பட்ட வழக்கு தொடர்பான விசாரணைகள் நேற்று (10) புதன்கிழமை கொழும்பு மேல் நீதிமன்றத்தில் இடம்பெற்றது.

இதன்போது அவர் மன்றில் சமர்ப்பிக்காமையினால் அவருக்கு பிடியாணை பிறப்பிக்கப்பட்டது. இது ஹிருனிகா பிரேமச்சந்திரா பின்னர் ஒரு விளக்கத்தை வெளியிட்டிருந்தார்.

குறித்த பிடிவிறாந்து பிறப்பிக்கப்பட்ட சமயத்தில் அவர் நீதிமன்ற வளாகத்திற்குள் இருந்தேன். எனினும் அழைக்கப்பட்ட நேரத்தில் தனது 1 மாத வயது குழந்தைக்கு வாகனத்திற்குள் தாய்ப்பால் கொடுத்ததாக குறிப்பிட்டார்.