வெளிநாட்டு உறவுகள் அமைச்சருடன் ஐக்கிய அரபு இராச்சிய தூதுவர் பிரியாவிடை சந்திப்பு

admin admin Aug 6, 2020 1193 0

ஐக்கிய அரபு இராச்சியத்தின் தூதுவர் அஹ்மத் அலி அல் முவல்லா வெளிநாட்டு உறவுகள் அமைச்சர் தினேஷ் குணவர்தனவை கடந்த செவ்வாய்க்கிழமை பிரியாவிடை நிமித்தம் சந்தித்தார்.

இலங்கைக்கும் ஐக்கிய அரபு இராச்சியத்திற்குமிடையிலான நீண்ட கால நட்புறவை வலுப்படுத்துவதில் தூதுவர் அல் முவல்லா ஆற்றிய சேவைகளை அமைச்சர் குணவர்தன மிகவும் பாராட்டினார்.

இலங்கையுடனான முதலீடு, பொருளாதாரம் மற்றும் வர்த்தகம் போன்ற துறைகளில் தற்போதுள்ள ஒத்துழைப்பை மேம்படுத்துவதற்கான ஐக்கிய அரபு இராச்சியத்தின் வலுவான உறுதிப்பாட்டை வெளிச்செல்லும் தூதுவர் வெளிப்படுத்தினார்.

செயலாளர் ரவிநாத ஆரியசிங்க மற்றும் வெளிநாட்டு உறவுகள் அமைச்சின் மத்திய கிழக்குப் பிரிவின் பணிப்பாளர் நாயகம் சமிந்த கொலொன்னே ஆகியோர் இந்தக் கலந்துரையாடலில் பங்கேற்றனர்.