ரணில் விக்கிரமசிங்கவின் புதுடில்லிக்கான பயணநோக்கு

உதித தேவப்ரிய

ஜூலை 2 மற்றும் 3 ஆம் திகதிகளில், Factum தனது முதலாவது தூதுவர்கள் தினத்தை கதிர்காமம் எசல பெரஹராவில் நடாத்தியது. இந்நிகழ்வில் முதல் நாளில் பங்களாதேஷ் உயர்ஸ்தானிகர் மற்றும் மாலைதீவு உயர் ஸ்தானிகராலயத்தின் முதல் செயலாளரும், இரண்டாம் நாள் பெரஹெராவின் இறுதி இரவுடன் இணைந்து தாய்லாந்து தூதுவரும் கலந்துகொண்டனர்.

இலங்கை ஜனாதிபதி ரணில் விக்கிரமசிங்க மற்றும் அவரது தலைமை அதிகாரியான சாகல ரத்நாயக்க ஆகியோருடன் இணைந்து தாய்லாந்து தூதுவர் பொதுநிகழ்வு அடிப்படையில் சமய சடங்குகளில் முனைப்பாக பங்கேற்றார்.

பெரஹெரா இலங்கையின் ஒத்திசைவான கலாச்சாரத்தின் மிகவும் வண்ணமயமான அடையாளங்களில் ஒன்றாக உள்ளது. அந்த முடிவுக்கு, தூதுவர்கள் தினம் இந்த உத்தியோகத்தர்களுக்கு ஓர் தெளிவுபடுத்தலை நிரூபித்தது.

இது ஜனாதிபதி விக்கிரமசிங்கவிற்கு, மிகவும் சுறுசுறுப்பான மாதத்திற்கான ஓர் மங்களகரமான ஆரம்பமாகவும் இருக்கலாம். ஜூலை 1 மற்றும் 2 ஆம் திகதிகளில் வெளிவிவகார அமைச்சு, ஜனாதிபதி செயலகம் மற்றும் இலங்கை சுற்றுலாப் பணியகத்துடன் இணைந்து, அமெரிக்கத் தூதுவர் உட்பட பல வெளிநாட்டுத் தூதரகத் தலைவர்களுக்கு சுற்றுப்பிரயாணத்தை ஒழுங்குபடுத்தின.

எல்ல ஒடிஸி சேவை மூலமாக அழைத்துச் செல்லப்பட்ட அவர்கள், வைஸ்ராய் விசேட புகையிரதத்தில் பயணத்திற்காக கொழும்பு மற்றும் கண்டியிலிருந்து விலகி, நாட்டின் மலைப்பகுதிகளுக்குள் ஆழமாகப் பயணித்தனர்.

பின்னர் அவர்களுக்கு எல்லவில் சிற்றுண்டி வழங்கப்பட்டதுடன், அங்கு அவர்கள் நாட்டின் பரந்த நிலப்பரப்புகளுடன் தங்களை பழக்கப்படுத்தியதுடன், எப்போதும் கருணையுள்ள, எப்போதும் புன்னகைக்கும் ஜனாதிபதி அவர்கள் ஒருங்கிணைப்பாளராக காணப்பட்டார்.

ரணில் விக்கிரமசிங்க இராஜதந்திர சமூகத்தின் மீது மென்மையான வெற்றியைப் பெற்றிருக்கலாம். ஆனால் அவர் உள்நாட்டிலும் வெளிநாட்டிலும் அதிகரித்து வரும் அழுத்தங்களை எதிர்கொள்கிறார்.

நாட்டின் உள்நாட்டுக் கடன் மறுசீரமைப்பு செயன்முறையின் மீது பாராளுமன்றத்தில் ஒரு முக்கிய விவாதத்தின் மத்தியில் எல்ல ஒடிஸியும் நடைபெற்றது. பாராளுமன்றம் அவருக்கு பெரும்பான்மையை வழங்கிய போதிலும், அவர் ஆளும்பொதுஜன பெரமுனவின் (SLPP) இன் ஆதரவைப் பெற்றுள்ளதால் அது எதிர்க் கட்சிக்குள்ளும் மற்றும் சிவில் சமூகம் முழுவதும் தூண்டிவிட்ட விவாதங்கள் முன்னாலுள்ள கடினமான பாதையை சுட்டிக்காட்டுகின்றன.

தேர்ந்தெடுக்கப்பட்ட ஜனாதிபதிக்கு இது மிகவும் கடினமாக இருக்கும் நிலையில், சரியான ஆணை இல்லாமல் ஜனாதிபதியாக இருக்கும் விக்கிரமசிங்கவிற்கு இது மிகவும் சிக்கலானதாகிவிட்டது.

ஒருவேளை இதைக் கருத்தில் கொண்டதால் தான், அவர் இந்தியாவுக்கு ஓர் முக்கியமான பயணத்தை ஏற்பாடு செய்திருக்கிறார். ஜூலை 21 ஆம் திகதி திட்டமிடப்பட்ட இந்த விஜயம், அவர் பதவியேற்ற பிறகு மேற்கொள்ளும் முதலாவது விஜயமாகும்.

அவர் ஜனாதிபதியாக பதவியேற்று ஜூலை 21 உடன் சரியாக ஒரு வருடம் நிறைவடைகிறது. அதன் பின்னர் நிறைய நடைபெற்றுள்ளதுடன், இன்னமும் அதிகமாக மேற்கொள்ள வேண்டியுள்ளது, மேலும் விக்கிரமசிங்கவிற்கு, இந்தியாவிற்கு நீண்ட கால தாமதமான பயணத்தை மேற்கொள்வதால் இந்தியாவுடன் விடயங்களை இணங்குவதில் நீண்ட தூரம் செல்லக்கூடும்.

இந்த பயணத்தின் போது அவர் நரேந்திர மோடியை சந்திக்க உள்ளார். இதற்கான ஏற்பாடுகளை மேற்கொள்வதற்காக, இந்திய வெளிவிவகார செயலாளர் வினய் மோகன் குவாத்ரா ஒரு வாரத்திற்கு முன்னர் இலங்கை வந்தடைந்துள்ளார். மோடியுடனான சந்திப்பில் 5 ஒப்பந்தங்கள் கையெழுத்தாகும் என்று கூறப்படுகிறது.

வரவிருக்கும் விஜயம் தொடர்பில் சுவாரஸ்யமாக இருப்பது ஜனாதிபதியின் பரிவாரங்கள் தான். பல்வேறு தகவல் ஆதாரங்கள், அவருடன் மீன்பிடி அமைச்சர் டக்ளஸ் தேவானந்தா, மின்சாரம் மற்றும் எரிசக்தி அமைச்சர் காஞ்சன விஜேசேகர மற்றும் நீர் வழங்கல் மற்றும் தோட்ட உட்கட்டமைப்பு அபிவிருத்தி அமைச்சர் ஜீவன் தொண்டமான் ஆகியோரும் கலந்துகொள்வார்கள் என தெரிவிக்கின்றன.

இந்த அதிகாரிகள் உள்ளடக்கப்படுவது யூகிக்கக்கூடியதாக இருந்தாலும், அவர்களது துறைசார் அமைச்சுகள் மற்றும் இந்திய-இலங்கை உறவுகளில் அவை கொண்டுள்ள தாக்கத்தை கருத்தில் கொண்டு, தேவானந்தா மற்றும் விஜேசேகரவின் சேர்க்கை விஜயத்தின் சிக்கலான தன்மையை சுட்டிக்காட்டுகிறது.

மீன்வளம் மற்றும் எரிசக்தி ஆகிய இரண்டும் டெல்லிக்கும் கொழும்புக்கும் இடையிலான உறவுகளின் முக்கியத்துவமான விடயங்களாக மாற்றமடைந்துள்ளன: முந்தையது தீவின் வடக்கு மற்றும் கிழக்கிற்கு மிகவும் பொருத்தமான அதே நேரம், பிந்தையது இரு நாடுகளின் மின் கட்டங்களை இணைக்கும் முன்மொழிவுகளின் பார்வையில் முக்கியத்துவம் பெற்றது.

இவை அனைத்தும், இலங்கையின் பொருளாதார நெருக்கடி மற்றும் அதன் மீட்சியில் இந்தியாவின் தொடர்ச்சியான பங்குகளின் பின்னணியில் கலந்துரையாடப்படும். இந்திய அதிகாரிகள் ஏற்கனவே தீவுக்கான அதன் உதவிக்கான 4 பில்லியன் அமெரிக்க டொலர்களுக்கான திருப்பிச் செலுத்துதலை 12 ஆண்டுகளுக்கு ஒத்திவைப்பதற்கு ஒப்புக்கொண்டுள்ளனர்.

இது கொழும்பிற்கு ஏற்கனவே வழங்கப்பட்ட பாரிய சலுகைகளின் தொடரில் சமீபத்தியதாகும். அதே நேரத்தில், வெளியுறவுத்துறை அமைச்சர் ஜெய்சங்கர் உள்ளிட்ட இந்திய அதிகாரிகள், சர்வதேச நாணய நிதியத்தை விட டெல்லி தனது அண்டை நாட்டிற்கு அதிகமாக செய்துள்ளதாக சுட்டிக்காட்டியுள்ளனர்.

இது எந்த வகையிலும் வெறும் கூற்றல்ல. இலங்கை நாடாளுமன்றத்தின் சபாநாயகர் மஹிந்த யாப்பா அபேவர்தன இந்த மாத ஆரம்பத்தில் அறிவித்தபடி, இந்தியாவின் தலையீடு இரத்தக்களரியைத் தடுத்தது. டெல்லி செய்த உதவியை எந்த நாடும் செய்யவில்லை என்றும் அவர் கூறினார்.

உண்மையில், ரதீந்திர குருவிட்ட, The Diplomat இதழின் சமீபத்திய பகுப்பாய்வில் சுட்டிக்காட்டியுள்ளபடி, இந்தியாவின் உதவி ஐ.நா.வுக்கான அதனது மொத்த பங்களிப்பையும் விட அதிகமாக உள்ளது.

வேறு வார்த்தைகளில் கூறுவதானால், இந்தியா இலங்கையால் புறக்கணிக்க முடியாத ஒரு காரணியாகும். ஆனால் இலங்கை கருத்தில் கொள்ள வேண்டிய ஒரே வெளியுறவுக் கொள்கை இந்தியா அல்ல. இலங்கைக்கு மற்றைய பிராந்தியங்களும் பங்காளர்களும் உள்ளதுடன், அவற்றில் சில புது டெல்லியுடன் கூட்டணி வைத்துள்ளன, மற்றவை அவ்வாறில்லை.

உலகை இந்தியா பார்க்கும் விதம் கடந்த சில வருடங்களாகவும், மாதங்களாகவும் மாற்றமடைந்து விட்டது. இந்தியாவிற்கும் அமெரிக்காவிற்கும் இடையே ஒரு சுமூகமான ஒருங்கிணைப்பு இருக்கும் என்று கணித்தவர்கள் தவறு என்று நிரூபிக்கப்பட்டாலும், குறிப்பாக ஐரோப்பாவின் பிரச்சனைகள் உலகின் பிரச்சனைகள் அல்ல என்று ஜெய்சங்கரின் சமீபத்திய கருத்துக்களைப் பார்க்கும்போது, இந்தியாவிற்கும் பிரிக்ஸ் நாடுகளுக்கும் இடையே சமமான சுமூகமான ஒருங்கிணைப்பை முன்னறிவித்தவர்களும் மட்டந்தட்டப்பட்டுள்ளனர்.

அமைச்சர் ஜெய்சங்கரின் பிரிக்ஸ் நாணயத்திற்கான திட்டம் எதுவும் இந்தியாவிடம் இல்லை என்றும், ரூபாயை வலுப்படுத்துவதே அதன் முதன்மை நோக்கம் என்றும் வெளிப்படுத்திய சமீபத்திய அறிவிப்பு, இந்தியா அத்தகைய திட்டத்தை ஆதரிக்கும் என்று நினைத்தவர்களை ஏமாற்றமடையச் செய்துள்ளது. இவை இந்திய-இலங்கை உறவுகளில் தாக்கம் செலுத்தும்.

பல்முனை அமைப்பு என்பது தெளிவாக இந்தியாவின் அக்கறைகளாக இருக்குமெனினும் அந்த அக்கறைகள் மற்றைய நலன்களுக்கு அடிபணிய முடியாது மற்றும் அடிபணியக்கூடாது என்பதை இந்தியா தொடர்ந்து வெளிப்படுத்தி வருகின்றது.

இது அதனால் தான் குவாட் கூட்டணியில் ஒரு முக்கிய பங்காளராக உள்ளது, ஆனால் இது ஷாங்காய் ஒத்துழைப்பு நிறுவனத்திலும் ஓர் முக்கிய வகிபங்கை கொண்டிருக்கின்றது. அதன் நோக்கு பிரிக்ஸ் மற்றும் பிற குழுக்களுடன் ஒத்துப்போகிறது, ஆனால் அதன் நோக்கங்கள், அதன் மதிப்புகள் மேலோங்கவில்லை என்றால் அவை மேலோங்க வைக்க வேண்டும் என்று விரும்புகிறது.

ரணில் விக்கிரமசிங்கவின் சமீபத்திய அறிக்கையின் சாட்சியாக, டொலருக்கு நிகராக ரூபாயும் பயன்படுத்தப்படுவதைக் காண விரும்புவதாக கூறியிருப்பது இலங்கையும் தனது பங்கிற்கு, ஓட்டத்துடன் செல்ல விரும்புவதை வெளிப்படுத்தியுள்ளது.

இந்தியாவின் மூலோபாயம் டொலர்மயமாதலை இழிவாக்குதல் மற்றும் அதிக பன்முகத்தன்மையை நோக்கிய நகர்வுகளுக்கு ஏற்ப தீர்மானமானதாக உள்ளது, ஆனால் வெளிப்படையான காரணங்களுக்காக, இது சீனா மற்றும் ரஷ்யா போன்ற கூட்டணிக்கு சொந்தமானதல்ல. இது அனைத்து தரப்புடனும் ஈடுபடுவதன் மூலமாக பயனடைய விரும்புகிறது.

நிச்சயமாக, இவை அனைத்தும் ஆசியாவின் அடுத்த மாபெரும் பொருளாதார நாடாக இந்தியா எழுச்சி பெறுவதைப் பற்றி பேசுவதற்கு உத்தரவாதமளிக்கின்றதா அல்லது நியாயப்படுத்துகிறதா என்பதைப் பார்க்க வேண்டும்.

அதன் பொருளாதாரம் உறுதியாக பெரியதாக உள்ளது, ஆனால் சீனாவால் சூழ்நிலையை சமாளிக்க முடிவதைப் போன்ற அதிர்ச்சிகளை உறிஞ்சும் திறன் அதற்கு உள்ளதா? சீனாவிலிருந்து உற்பத்தியை மாற்றுவதில் வெளிப்படையான புவிசார் அரசியல் நன்மைகள் இருந்தபோதிலும், இந்தியாவின் டிஜிட்டல் லட்சியங்களை உலகளாவிய தொழில்நுட்பத் துறை தெளிவாக உறுதிப்படுத்திய போதிலும், வேதாந்தா நிறுவனத்துடனான கூட்டு முயற்சியில் இருந்து வெளியேறுவதற்கு Foxconn நிறுவனம் எடுத்த சமீபத்திய தீர்மானம், இலத்திரனியல் கடத்திகள்  போன்ற முக்கியமான துறைகள் தொடர்புறும் இடங்களில், புதுடெல்லி போன்ற நட்பு நாடுகளுக்கு கூட ஒரே இரவில் உற்பத்தி மாற்றப்பட வேண்டுமா என்பது தொடர்பில் அமெரிக்கா மதில் மேலேயே உள்ளதை காட்டுகின்றது.

அதே நேரத்தில், குறைந்தபட்சம் ஒரு தேசிய பாதுகாப்புக் கண்ணோட்டத்தில், புதுடெல்லியின் தொழில்நுட்ப அபிலாஷைகள் குறித்த சந்தேகங்களை அமெரிக்க துறைமுகங்கள் கொண்டுள்ளது என்பதைக் குறிப்பிடலாம். எளிமையாகச் சொல்வதென்றால், இந்தியா மேற்கு நாடுகளுக்கும் மற்றைய நாடுகளுக்கும் இடையே ஒரு முக்கியமான குறுக்கு வழியில் சிக்கியுள்ளது.

தெற்காசியா மற்றும் இந்தியப் பெருங்கடலைப் பொறுத்த வரையில், இந்தியா தொடர்ந்து அழைப்பு விடுக்கும். மேலும் தெற்கே அதன் நெருங்கிய அண்டை நாடான இலங்கை தொடர்ந்தும் அவற்றை பின்பற்றும். அதற்கு தற்போதைய அரசியல் அமைப்பு வெளிப்படையாகப் பொருத்தமற்றதாகத் தோன்றுவதுடன் ஒரு புத்திக்கூர்மையான சமநிலைச் செயற்பாடு தேவைப்படுகிறது.

யுவான் வாங் 5 அத்தியாயம் வெளிக்காட்டுவது போல், இருதரப்பு உறவுகளை முறியடிப்பது இலங்கையின் ஈடுபாடற்ற அதிகாரத்துவம்தான். இவை அனைத்தும் ஜனாதிபதி ரணில் விக்கிரமசிங்கவுக்கு பெரும் சவாலாக அமைந்துள்ளது.

எப்போதும் போல, அவர் ஒரு பெரிய திருப்புமுனையில் நம்பிக்கையுடன் இருக்கிறார். எவ்வாறாயினும், கோட்டாபய ராஜபக்சவின் பதவி நீக்கத்தின் முதலாம் ஆண்டு நிறைவை இலங்கை கொண்டாடும் போது அல்லது நினைவுகூரும்போது, மாறிவரும் உலக ஒழுங்கு மற்றும் இந்தியாவின் வெளியுலக உறவுகளில் ஏற்படும் உருமாற்றம் - சீனா மட்டுமல்ல, மேற்கு நாடுகளுடனும் - நாம் சரியாக ஈடுபட வேண்டியதை அவசியமாக்குவதுடன், புதுடில்லியுடன் பொதுவான நிலையை நாட வேண்டும்.

இதற்கு இங்குள்ள அரசியல் அமைப்பு மற்றும் வெளியுறவுக் கொள்கை எந்திரங்களில் மாற்றம் தேவைப்படுகின்றது. அத்தகைய மாற்றம் அவசரமாகியுள்ளது.